Репрезентацијата на Аргентина ја совлада Австралија со 2:1 во осминафиналето на Светското првенство во Катар. „Гаучосите“ до триумфот стигнаа со головите на Лионел Меси во првото полувреме и Јулијан Алварез во вториот дел.

За капитенот на „гаучосите“ Меси ова беше јубилеен 1000 натпревар во кариерата, а ќе остане запаметен како прв во нокаут фазата на Светското првенство на кој постигна гол. Воедно го престигна славниот Диего Марадона по бројот на голови на вечната листа за репрезентацијата на Аргентина, сега има девет, само еден помалку зад водечкиот Габриел Батистута.

?? The Quarter-finals await…#FIFAWorldCup | #Qatar2022 pic.twitter.com/S7EKoQ4GVB

— FIFA World Cup (@FIFAWorldCup) December 3, 2022

10—Gabriel Batistuta
9—Lionel Messi
8—Diego Maradona

Messi becomes Argentina’s second-highest scorer at the World Cup ⚽ pic.twitter.com/3ZPzVg6Wa2

— B/R Football (@brfootball) December 3, 2022

Во 77 минута Фернандез си постигна автогол за враќање на надежите на Австралија на овој меч. Овој погодок гол внесе оптимизам во редовите на тимот на селекторот Грем Арнолд. Левиот бек Бехич имаше одличен соло продор во 81 минута, се ослободи од четворица Аргентинци, упати удар, но топката на патот кон мрежата ја блокираше Мартинез и ја испрати во корнер.

Лаутаро Мартинез имаше прекрасна шаанса во 89 минута, остана сам во противничкиот шеснаесетник по додавањето на Меси, но напаѓачот на Интер реагираше лошо и го промаши целиот гол. Повторно Меси го пронајде Лаутаро во втората минута од судиското надополнување, но Мартинез уште еднаш не успеа да шутира од одлична ситуација, овојпат тоа го одбрани Рајан.

Австралија имаше огромна шанса да ги казни сите грешки на Маритинез во последните моменти од натпреварот. Куол наеднаш остана сам во шеснаесетникот на „гаучосите“, но неговиот удар го одбрани Емилијано Мартинез и ја сочува победата за својот тим.

Аргентина на 9 декември од 20.00 часот ќе игра во четвртфиналето на Мундијалот против Холандија која претходно со 3:1 ја елиминираше селекцијата на САД.