Градските служби денеска го завршија украсувањето на елката на плоштадот „Македонија“. „Слободен печат“ направи анкета и ги праша граѓаните што мислат за новогодишното украсување на плоштадот. Мислењата беа поделени, дел од граѓаните сметаат дека е сиромашно, слабо и потпросечно за Скопје и оти претходните години градот бил поубаво украсен. Други пак, велат дека се позитивно изненадени и им се допаѓаат новогодишните декорации.

На социјалните мрежи синоќа имаше низа реакции од граѓаните кон градската администрација и градоначалничката Данела Арсовска.

Арсовска минатата недела изјави дека градот и оваа година ќе биде украсен, но за драстично пониска сума од онаа што досега секоја година се трошела на украсување, па наместо да се потрошат помеѓу 90 000 и 245 илјади евра за украсување, сега градот се кити за 30 000 евра.

Погледнете ја анкетата на колешката Агнеса Чаволи: