Фудбалерите на Англија ја совладаа Албанија со 2:0 на „Вембли“ во воведниот натпревар од квалификациите за Светското првенство 2026 година, во групата во која се и Србија, Летонија и Андора.

Стрелци во победата на англиската селекција беа Луис-Скели во 20 минута и капитенот Хари Кејн во 77 минута.

Ова воедно беше дебито на Томас Тухел како селектор на Англија. За три дена Англија ќе игра на гостински терен против Летонија, а Албанија ќе ја пречека Андора.

Во истата група Летонија славеше на гостувањето кај Андора со 1:0, а стрелец на единствениот гол беше Ситс во 58 минута од средбата.

Во останатите денешни мечеви: Кипар – Сан Марино 2:0, Малта – Финска 0:1, Полска – Литванија 1:0 и Романија – Босна и Херцеговина 0:1.