Фудбалерите на Англија се пласираа во полуфиналето на Европското првенство во Германија, откако славеа против Швајцарија по драмата во пенал рулетот и така обезбедија пласман меѓу четирите најдобри селекции. Во регуларниот дел беше 1:1, а во пенал рулетот 5:3.

Во првите 45 минути не видовме некоја голема возбуда. Колку дуелот беше неинтересен говори податокот дека жолтиот картон на Шер против Белингем е најинтересниот детал од натпреварот. Нулата шутеви за целото прво полувреме доволно говори за она што го гледаа фудбалските фанови во Диселдорф.

Таму каде што застанаа во првото полувреме, продолжија и во вториот дел, бидејќи апсолутно ништо не се случи. Многу говори податокот дека првиот удар кон голот беше упатен во 50 минута. Емболо ја заврши приспивната песна на мечот со гол во 75 минута по добриот центаршут на Ндоје.

Three Lions: third semi-finalists ✊#EURO2024 | #ENGSUI pic.twitter.com/C9uMm1p0os

— UEFA EURO 2024 (@EURO2024) July 6, 2024

Само пет минути подоцна дојде одговорот од избраниците на селекторот Герет Саутгејт откако Сака израмни со удар од работ на шеснаесетникот. До крајот се играше повеќе на половината на Швајцарија, па натпреварот отиде во продолженија. Во првото продолжение не се случи ништо позначајно, а единствено за одбележување е ударот на Деклан Рајс од 25 метри во 95 минута, кој Зомер со максимални напори го одбрани.

Кога станува збор за второто продолжение, може да се каже дека Швајцарија имаше повеќе шанси за победа. Најблиску се доближија во 118. минута кога Шаќири од корнер шутираше директно во голот, но топката ја погоди стативата. До крајот ништо не се случи, па мечот отиде во продолженија. Во пенал серијата Англија ги погоди сите пет пенали, додека за Швајцарија Аканџи промаши во првата серија и со тоа стана трагичар на својот тим.