Познатиот актер Андрија Милошевиќ му посвети емотивно писмо на својот син Реља кое го сподели на социјалните мрежи, а со своите трогателни зборови воодушеви бројни следбеници.

”Мораш да живееш. Мораш. Нема тука сакам-не сакам. Дојде, тука си, сакаше. Сега диши. Зборувај, размислувај, лути се, смеј се, уживај, не уживај, надевај се, разочарувај, ожени се, разведи се, тагувај, учи, патувај. Раѓај, закопај, чекај, побрзај, успори, јади, гладувај, погледни ги ѕвездите. Да, да, толку си мал. Мораш да љубиш, мораш. Љуби. Тешко е, ќе мислат дека си слаб. Ќе те напаѓаат, ќе го препознаат човекот во тебе. Поради тоа ќе ти се смеат“, рекол Андрија и додал: „Тогаш пак погледни ги ѕвездите“. „Да, да, толку си голем“.

Андрија беше инспириран да даде ваква емотивна објава од студентските протести во Србија.

„На нашата младина и на сите оние кои не ги затворија своите срца за љубовта, душите за вербата во подобро утре и силата да истраат во она во што веруваат! Посветено на Реља, посветено на верата, посветено на студентите“, напиша тој во описот.

На објавата на Андрија веднаш реагираа неговите колеги, меѓу кои и Анѓелка Стевиќ Жугиќ, која глумеше со него во хумористичната серија Андрија и Анѓелка. „Браво тато“, напишала кратко таа.

„Само што престанав да плачам и сега пак ќе плачам“; „Одамна не сум слушнал ништо поубаво. Благодарам“; „Ова се зборови за сите деца“, беа дел од коментарите од неговите фанови, трогнати од неговата емотивна порака.

Инаку, актерот и неговата сопруга, исто така актерка, Сандра, станаа родители во февруари 2022 година.

 

View this post on Instagram

 

A post shared by andrijamilosevic_official (@andrijamilosevic_official)

ФОТО | Андрија Милошевиќ денеска полни 46 години: Сопругата со емотивна честитка