Украинскиот претседател Володимир Зеленски денеска изјави дека кинеските граѓани работат во фабрика која произведува беспилотни летала во Русија, со помош на кинеска технологија што можеби не е официјално одобрена од Пекинг.

Зеленски рече  дека им наредил на официјалните лица да испратат информации до кинеската влада, преку официјални канали, за украинските наоди, објави Ројтерс.

„Одделно побарав од Службата за безбедност на Украина да пренесе информации од поширок карактер на кинеската страна во врска со кинеските државјани кои работат во фабриката за дронови“, рече тој.

Украина смета дека е можно „Русија да склучила договор со овие граѓани надвор од договорот со кинеското раководство и дека ги украла овие технологии“.

Зеленски претходно овој месец обвини  дека Русија регрутира кинески граѓани преку социјалните мрежи за да се борат во нејзините вооружени сили и дека официјалните лица во Пекинг знаеле за тоа.

Во овие обвинувања се нагласува дека најмалку 155 Кинези се борат на страната на Русија, од кои двајца од нив биле заробени од  украински војници. Исто така Киев добил раузнавачки  „информации“ дека Кина ја  снабдува Русија со оружје.

,,Учеството на кинеските граѓани во непријателствата против Украина на страната на државата агресор, како и учеството на кинеските компании во производството на воени производи во Русија предизвикува сериозна загриженост и е во спротивност со духот на партнерството меѓу Украина и Кина“, се вели во соопштението на украинското Министерство за надворешни работи.

Кинескиот министер за надворешни работи Ванг Ји, ги отфрли обвинувањата дека Кина  ја  снабдува Русија со оружје, инсистирајќи дека „кинеската страна никогаш не испорачувала оружје на која било завојувана страна и  дека строго го контролира извозот на производните и за цивилна и за воена употреба.

Целата анализа во видеото погоре во текстот.