Војната во Украина влегува во  1.154. ден. Во текот на ноќта Русија лансирала  54 беспилотни летала, од кои 38 беа соборени, додека останатите 16 не стигнале  до целите.

Регионите на Одеса и Киев беа нападнати во текот на ноќта, а во утринските часови започнаа нови непријателски дејствија, соопшти денеска Военото воздухопловство на вооружените сили на Украина.

Воздушните напади биле  одбиени со помош на воздухопловните сили, противвоздушни ракети на ракетни единици, опрема за електронско војување и мобилни огнени групи на украинската одбрана, велат украински извори.

A series of powerful explosions rocked Odesa. The city is under a massive attack by deadly Russian drones. A large fire is raging in one of the areas. pic.twitter.com/UojEX1a53Y

— KyivPost (@KyivPost) April 21, 2025

Руски извори пак соопштија дека  единиците на руската  воздушна одбрана уништиле 10 украински беспилотни летала во текот на ноќта. Руското министерство за одбрана прецизира дека пет дронови биле соборени над полуостровот Крим.

Рускиот хеликоптер Ми-28НМ извршил и напад со повеќенаменска наведувана ракета врз позициите на вооружените сили на Украина во пограничната област на Курската област, погодувајќи привремена база на украинската армија, соопшти Министерството за одбрана на Русија.

Во билтенот на руската армија се наведува и дека руски војници ликвидирале група платеници од Португалија.

Според соопштението на руската армија, странските платеници оперираат без идентификациски знаци, вооружени се со оружје на НАТО и се многу добро обучени, за разлика од припадниците на редовните единици на вооружените сили на Украина.

Руското Министерство за одбрана (МО) во неколку наврати изјави дека режимот во Киев користи странски платеници како „топовско месо“ и дека руските војници ќе продолжат да ги уништуваат низ украинскиот фронт.

Покровск, кој украинските власти го преименуваа во Красноармејск во 2016 година, е најважниот транспортен центар на украинските вооружени сили во Донбас.

Се наоѓа на 66 километри северозападно од Доњецк, а ослободувањето на оваа стратешка локација ќе им овозможи на руските трупи всушност да стигнат до западните граници на ДНР и да ја продолжат офанзивата во правец на Запорожје, се наведува во анализите.

Американскиот претседател Доналд Трамп вети дека во следните три дена ќе ги соопшти сите детали од мировниот договор меѓу Русија и Украина.

И украинскиот претседател Володимир Зеленски најави нова рунда мировни преговори во среда во Лондон каде што ќе се сретнат  претставници на Украина, САД, Велика Британија и Франција.

Целата анализа во видеото погоре во текстот.