Српскиот претседател Александар Вучиќ денеска ги повика Србите и Албанците да го зачуваат мирот и да ја смират ситуацијата. Тој во видеото објавено на неговиот Инстаграм профил наведува дека „немаме индикации дека имало каков било напад врз ЕУЛЕКС, но напади врз ЕУЛЕКС и Кфор не смеат да се случат.

Тој ги повика Србите на северот на Косово „да бидат присебни, мирни, да не наседнуваат на провокации“.

Вучиќ претходно најави дека ќе побара дозвола за стационирање на српската војска во општините каде живее српско население, како и дека Белград нема да се откаже од формирањето на Заедницата на српски општини, за што Приштина се обврзала во постигнатиот Бриселски договор.

Во меѓувреме  северот на Косово се уште е блокиран. Србите кои протестираат поради апсењето на поранешниот полицаец Дејан Пантиќ се уште се на барикадите, а областа е блокирана и од косовската полиција. Ниту пешки не может да се  поминат премините Брњак и Јариње.

Меѓународната заедница ги повика Србите да ги отстранат блокадите а владата на Курти да ги намали тензиите.