Шефот на руската платеничка група, Вагнер, Евгениј Пригожин тврди дека неговите сили го завршиле преземањето на украинскиот град Соледар, што, доколку се потврди, ќе го означи првиот голем успех на Москва на бојното поле од минатото лето.

Единиците на Вагнер ја ставија под контрола целата територија на Соледар – рече Евгениј Пригожин во аудио порака објавена на неговиот канал Телеграм.

Пригожин додаде и дека еден дел од украинските војници се опколени во центарот на градот, и дека тек допрвра ке се соопшти бројот на заробени и загинати украинци.

Коментарот на Пригожин дека борбите продолжиле во центарот на Соледар сугерира дека руската контрола не била целосна, и покрај неговата изјава дека целиот град е во рацете на привататната армија Вагнер.

Падот на овој град кој е одалечен на само 15 километри од Бахмут кој исто така е во рацете на Русите, е потврден и од Украина. Сепак Киев засега наведува дека украинската армија сѐ уште ги брани позициите, но дека состојбата е тешка и прашање на време кога овие сили ке бидат принудени да се повлечат.

Руското заземање на Соледар и неговите огромни рудници за сол имаат симболична, воена и комерцијална вредност за Русија.

Но од геостратешка гледна точка, падот на Соледар, и пред сѐ Бахмут, ја утврдува линијата на границата на Доњецката Народна Република, која заедно со Луганск, се веќе прогласени од страна на Москва како дел од Руската федерација.

Oсовојувањето на Соледар практично овозможува Доњецк да биде речиси под целосна руска контрола , и заедно со Луганск, кој за потсетување веќе речиси целосно освоен од руската армија , да прикаже дека една од задачите на воената интервенција на Москва во Украина е исполнета. Ова би можело да биде искористено како обид од страна на Кремљ да се обиде да иницира некакви мировни преговори. Но, се разбира доколку за тоа се согласи и Киев, чие раководство засега одбива да седне на било каква маса со преставници на режимот на Путин.

Оваа одлука на Киев дополнително е охрабрена од продлжувањето на воената и финансиската помош на западот , пред се на САД за снабдување на Украинската армија во нејзините битки со Русија.

Неколку стотини украински војници се испратени на обука во САД за користење на ракетниот систем Патриот, кој САД најави дека ќе и ги испорача на Украина.

Оваа обука и испорака на Патриот, москва го протолкува како и официјално вмешување на американски Пентагон во војната во Украина.

Украина е во очекување и на воена помош во оклопни транспортери од САД Франција и Британија, како и германските текнови Леопард, што само укажува дека крајот на војната е далеку, и дека можеби предстои нова фаза во битките за освојување на украиснките региони.

По жестоките артилериски и ракетни дуели, можеби двете армии се подготвуваат за голема пролетна копнена битка со оклпопни средства за конечно решавање на победникот во оваа војна.