Поранешниот американски претседател Доналд Трамп ја зацврсти својата позиција како речиси сигурен кандидат на Републиканската партија за претседателските избори во ноември со низа победи на т.н. супервторник, сепак, неговата ривалка Ники Хејли постигна изненадувачка победа во сојузната држава Вермонт.

Резултатите го отворија патот за реванш меѓу Трамп и претседателот Џо Бајден, кој всушност нема сериозна конкуренција за номинација на Демократската партија, во трката за Белата куќа.

Трамп победи во 12 сојузни држави, додека пак Хејли успеа да ги освои гласовите на Вермонт

Се предвидува дека Трамп ќе победи на 12 прелиминарни избори на републиканците – во Алабама, Арканзас, Калифорнија, Колорадо, Мејн, Масачусетс, Минесота, Северна Каролина, Оклахома, Тенеси, Тексас и Вирџинија – што дополнително ќе ја зацврсти неговата силна предност во генералниот пласман пред Ники Хејли, која победи во Вермонт.

Хејли служеше во администрацијата на Трамп како негов амбасадор во ОН. Таа се обиде да привлече републикански умерени и независни гласачи, но нејзината кампања не успеа да добие доволно замав за да претставува сериозна закана за Трамп. Таа ги загуби првичните избори во нејзината родна држава Јужна Каролина минатиот месец.

Се верува дека по супер вторникот ќе се откаже од кандидатурата за номинација на републикански кандидат за претседателските избори во ноември.

Според проекциите на CBS, американската партнерска мрежа на BBC, на т.н Супер вторник Бајден ја освои номинацијата на демократите во 14 држави – плус Ајова, каде што луѓето гласаа по пошта. Тој победи во Алабама, Арканзас, Калифорнија, Колорадо, Мејн, Масачусетс, Минесота, Северна Каролина, Оклахома, Тенеси, Тексас, Јута, Вермонт и Вирџинија.

Вермонт е единствената држава, барем досега, во која, според проекциите на Decision Desk HQ, Хејли победи на републиканските прелиминарни избори. Немаше неизвесност со Бајден, кој според проекциите победи на прелиминарните избори на Демократската партија во сите тие држави, плус и во сојузната држава Јута.

Демократската партија потврди дека победил и во Ајова, каде од јануари годинава беше дозволено и гласањето по пошта.

Американскиот претседател Џо Бајден изјави дека гласовите на милиони Американци се „чуле“ на вчерашните прелиминарни избори и дека гласовите во негова корист покажуваат дека електоратот сака „да возврати на екстремниот план на Доналд Трамп да ја врати Америка назад“, пренесува Би-Би-Си.

Бајден ги истакна достигнувањата на неговата администрација, вклучувајќи ги работните места и платите, и рече дека нацијата сега се соочува со „јасен избор“ дали да продолжи во истата насока или да го избере Трамп кој чија основна цел ќе биде одмаздата.

Трамп е „фокусиран на сопствената одмазда“, рече Бајден, додавајќи дека сака да стави крај на основните слободи, како што е способноста на жените сами да донесуваат одлуки за здравствената заштита.

Тој го заврши својот говор со тоа што ги повика Американците да застанат во одбрана на демократијата. „До секој демократ, републиканец и независен кој верува во слободна и фер Америка: Ова е нашиот момент. Ова е нашата борба. Заедно ќе победиме“, порача Бајден.

Доналд Трамп ја поздрави „убавата вечер“ по неговата победа во неколку сојузни држави на републиканските прелиминарни избори во Супер вторник. „Тоа беше одлична вечер, неверојатен ден“, им рече тој на поддржувачите собрани во неговата резиденција Мар-а-Лаго на Флорида.

Трамп повтори многу од она што го кажа претходно за време на кампањата и се фокусираше на неговиот веројатен реванш со Џо Бајден, кого го нарече „најлошиот претседател во историјата на земјата“.

Републиканскиот фаворит зборуваше и за неговиот мандат 2017-2021 година, потсетувајќи ги гласачите дека не водел нови војни, ги пофали неговите односи со Кина и севернокорејскиот диктатор Ким Џонг-Ун и тврдејќи дека ја ставил земјата на пат кон енергетска доминација.

Тој вети дека „ќе ја врати земјата“ и дека „5 ноември (2024) ќе остане запишан како најважен ден во историјата на земјата. „Ви благодарам – МАГА! напиша Трамп на својата платформа Truth Social, користејќи го акронимот на неговиот слоган („Make America Great Again“) и наведувајќи ги имињата на државите во кои победил.

Десетици милиони луѓе гласаа на изборите одржани во 15 од 50 држави, плус една територија на САД. Супер вторник го одбележува единствениот најголем натпреварувачки ден за партиска номинација. Се гласаше од источниот до западниот брег на САД, вклучително и во густонаселените држави Калифорнија и Тексас, каде што има голем број делегати.

На прелиминарните избори, кои започнаа во јануари во сојузната држава Ајова, на кандидатите им се доделуваат делегати за секоја држава во која ќе победат.

Во Републиканската партија се опфатени повеќе од една третина од вкупниот број делегати кои формално одредуваат кој ќе ја добие партиската номинација.

Во игра се 874 делегати од вкупно 2.429 кои на конвенцијата во јули ќе го одредат кандидатот на Републиканската партија за претседателските избори.