ВИДЕО | Американец го заборавил добитниот инстант лоз во продавница, за малку ќе останел без наградата од 500.000 долари
Кевин Фреј, американски свештеник кој на лотарија освоил 500.000 долари во Ајова, САД, го заборавил инстант лозот во продавницата и за малку ќе останел без наградата. Тој сфатил дека ја добил наградата, но поради возбудата заборавил да го земе својот добитен лоз, пренесува „Њујорк пост“.
Препорачано
„Бев толку возбуден и вознемирен што го оставив инстант лозот во продавницата каде што го купив“, им рекол Фреј на претставниците на Државната лотарија во Ајова.
По возбудата од купувањето на добитното ливче, 64-годишниот Фреј сфатил дека го заборавил инстант лозот дури кога семејството го замолило да го слика и да им испрати фотографија.
„Тогаш сфатив дека го немам инстант лозот со мене и се сетив дека го оставив во продавницата“. За среќа, сè уште бев на паркингот на продавницата, па истрчав до таму и побарав од вработената да ми го даде мојот добитен лоз. Беше многу вознемирена кога ми го даде лозот“, објаснил Фреј.
Откако наградате е во негови раце, среќниот добитник планира да се пресели со сопругата во Де Мојн за да живее поблиску до семејството.
„Ова многу ќе помогне и ќе биде забавно да споделиме дел од парите со членовите на нашето семејство и некои добротворни организации кои долго време ги поддржуваме“, додал Фреј.
