Полуаматерскиот состав на Оукленд сити запиша уште еден убедлив пораз на Светското клупско првенство и вечерва беа поразени од Бенфика со 6-0.

Храбрите Новозеланѓани долго време успеваа да го одржат резултатот и да одолеат на нападите на португалскиот гигант, но нивниот отпор беше скршена во самата завршница од првото полувреме кога Анхел Ди Марија погоди од белата точка и донесе предност за Бенфика.

Вториот дел донесе и краткотраен прекин поради обилен дожд, а паузата како дополнително ги освежи „орлите“, кои по продолжението целосно го скршија противникот.

Павалдис и Санчез се надоврзаа на водството, Бареиро потоа двапати стрелаше, додека конечните 6-0 ги постави Ди Марија од уште еден пенал во самата завршница.

Ќе потсетиме, Оукленд во првото коло беше поразен со 10-0 од Баерн Минхен, па така во само два натпревари овој тим кој во својот состав има фудбалери кои работат и нешто друго покрај фудбалот прими 15 погодоци.