ВИДЕО: Алкараз прв полуфиналист на турнирот во Рим
Најдобриот шпански тенисер, Карлос Алкараз, денеска обезбеди место во полуфиналето на Мастерсот во Рим, откако во четвртфиналниот дуел го совлада Британецот Џек Дрејпер со 2-0 во сетови (6-4, 6-4).
Препорачано
Meчот траеше еден час и 38 минути. Дрејпер беше тој што подобро го отвори дуелот и прв дојде до брејк поведувајќи со 4-2, но тука застана. Алкараз експресно возврати и ги освои наредните четири гема, со што го презеде водството и го освои првиот сет.
Вториот сет започна со размена на брејкови на двете страни, по што следуваше израмнета игра. Сепак, во деветтиот гем Алкараз успеа да направи клучен брејк, а потоа со сигурен сервис го потврди својот пласман меѓу најдобрите четворица во Рим.
Противникот на Шпанецот во полуфиналето ќе биде познат вечерва, по мечот помеѓу Лоренцо Мусети и Александар Зверев.
Signed, sealed, Carlos delivers ⚡️@carlosalcaraz is through to his 11th Masters 1000 semi-final! @InteBNLdItalia | #IBI25 pic.twitter.com/ysNMVJrzQ5
— ATP Tour (@atptour) May 14, 2025
