Пејачот на „Бијело дугме“, Ален Исламовиќ неодамна доживеал несреќа поради која се најде во инвалидска количка, а сега се огласил за српски „Курир“ и открил како се случило, но и како се чувствува сега.

Имено, снимката на пејачот од концерт како настапува во количка ја загрижи јавноста, но како што вели тој, сега се чувствува добро.

– Сега сум добро. Се оперирав пред 17-18 дена. По концертот во Ниш, имав пауза четири дена, па играв тенис со другарите во Сомбор, кога ја повредив Ахиловата тетива – открил за српски „Курир“ и продолжил:

– Тоа е една од најтешките спортски повреди, тоа е страшна болка. Веднаш ме оперираа, операцијата беше успешна, па по четири дена продолжив со концерти и настапив со „Бијели дугме“ во Крагуевац.

@andjelabulajic♬ original sound – Andjela Bulajic

Како што тврдат неговите обожаватели, ништо не може да го спречи Ален да излезе на сцената и да ја развесели публиката, а тој вели дека се прилагодил на оваа несреќна ситуација и дека не му било лесно, но дека на крајот успеал.

– Така сум „скроен“, кога добив патерици, јас со нив танцував! Проблемот беше затоа што пеам високи ноти и ќе вршев голем притисок на раната и ногата, на која не можам да се потпрам во следните четири недели, па количката беше најдобро решение. Обезбедив и безбедно и удобно патување, па ја кренав ногата, ставив овошје, храна, сокови околу мене и патот под нозе! Можеше да има разни компликации, раната да се зарази на оваа жештина, да отече ногата, да пукнат конците, но раната зараснува и добро закрепнувам – откри Ален за „Курир“.