Активисти за климатски промени беа одвлечени од обезбедувањето и спречени во обидот да си ги залепат рацете на ремек-делото на италијанскиот сликар Сандро Ботичели „Примавера“ во галеријата „Уфици“ во Фиренца.

Активистите, од групата за климатски активисти „Ultima Generazione“ или „Последна генерација“, рекоа дека протестот е прв во „новата сезона на акции“ насочена кон музеите.

Активистите притиснале по една дланка намачкана со лепак на сликата, а вработените во познатата галерија веднаш интервенирале. За среќа, сликата е покриена со заштитно стакло, доколку активистите успеале во својата намера, стаклото сепак ќе спречило оштетување.

Активистите на движењето „Just Stop Oil“ ја користат демонстративната тактика на лепење на рацете на уметнички слики во галериите за да предупредат за уништувањето на природата и најчесто избираат дела кои ја слават нејзината убавина.

На почетокот на јули, двајца активисти против фосилни горива ги залепија своите раце на рамката од сликата на Винсент ван Гог „Праска во цут“ во галеријата Кортолд во лондонската Ковент Гарден.