Фудбалерите на Рома го совладаа Лацио со 3:0 во градското римско дерби „Дерби дела Капитале“ во рамки на 30 коло од Серија А.

Херој на „римската волчица“ е Тами Абрахам кој постигна два гола и му овозможи на Жозе Мурињо да слави во уште градско дерби. Португалскиот тренер по победите во мадридското, лондонското, миланското и манчестерското, сега се радуваше и во римското дерби.

Абрахам првиот гол го постигна во 56 секунда од натпреварот, што е најбрз гол во историјата на „Дерби дела Капитале“. Абрахам се најде на вистинското место откако Пелегрини од корнер ја погоди пречката, а одбиената топка дојде до англискиот репрезентативец на кого не му беше тешко да ја смести топката во мрежата.

Вториот гол го постигна во 22 минута, а конечниот резултат го постави Лоренцо Пелегрини во 40 минута. Со победата, Рома го прескокна Лацио на петтото место на табелата со 51 бод и има два бода повеќе од Лацио.