Колегата на Столе Димитриевски и резервен голман на Рај Ваљекано, Диего Лопес го спаси својот клуб од елиминација од Копа Дел Реј во натпреварот против четвртолигашот Атлетико Сагунтино.

Лопес одбрани три пенали на домаќините, а неговите соиграчи ги реализираа првите три удари за место во 1/32 финалето во шпанскиот куп.

Македонскиот голман Димитриевски кој е стандарден во Рајо за овој натпревар доби одмор и беше на клупата. Лопес одлично се покажа и во регуларниот дел кој заврши без голови, а и после 120 минути резултатот беше 0:0.

На сцена во пенал серијата стапи 41-годишниот Лопес и го одведе Рајко во следната фаза.