Шведски студенти по програмирање лансираа апликација за следење и споделување задачи во домаќинството, со цел да се намали нееднаквоста во обемот на домачните обрски и да се поттикне подобра комуникација во семејството, пишува „Самаа.тв“.

Во обид да ја „направат невидливата работа видлива“ и да промовираат семејна хармонија, шведските студенти развија апликација која им помага на семејствата да ги организираат и следат домашните задолженија.

Апликацијата наречена „Акорд“ им овозможува на корисниците да внесуваат задачи и да го следат напредокот меѓусебно, нудејќи потсетници кога задачите не се завршени навреме. Апликацијата, која веќе привлече околу 2.000 корисници, ја креираа студентите Виктор Фредриксон и Маркус Палман.

Апликацијата е создадено од едноставна фрустрација – на таткото на Фредриксон му здодеало да го потсетува синот да си ја средува собата и да ги пере алиштата.

„И, конечно, еден ден рече: ‘Зошто едноставно не ја програмирате апликацијата за да не морам повеќе да ве нервирам?’“, објаснил Фредриксон.

Меѓу првите корисници на апликацијата беше брачниот пар Маја и Нилс Ларсон од богатото предградие на Стокхолм. И двајцата сопственици на бизниси со две мали деца, се свртеа кон апликацијата за да го поедностават често хаотичниот процес на управување со домашните задачи.

„Мислевме, добро, ајде да го пробаме ова, можеби ќе ни реши многу проблеми дома“, рекла Маја.

За овој пар, апликацијата поттикна отворена дискусија за заедничките обврски дома.

„Тоа започна разговор во нашиот дом. Ако работите не се прават, кој е одговорен за тоа?“, изјавил Нилс.

Маја ужива да ја користи апликацијата, особено нејзината функција за потсетување, иако признава дека не ја користи толку често колку што треба.

Со следење на целата работа во домаќинството и пресметување колку придонесува секој човек, апликацијата го претвора управувањето со домашните работи во пријателска конкуренција. За да ги задржи корисниците ангажирани и да ја поттикне конзистентноста, апликацијата има функција „низа“.

Низата се постигнува кога некој е активен во апликацијата неколку дена по ред. По три дена континуирано користење, лицето добива награда – попуст на производи или услуги што ги нудат компаниите кои се партнери со „Акорд“.

„Акорд“ е дизајниран да ја направи работата во домаќинството потранспарентна и да поттикне почитување на придонесот на секој член на домаќинството.

Членовите на семејството можат да испраќаат „потсетници“ ако задачите не се завршени, а членовите на домаќинството можат да изразат благодарност кога задачите се завршени. Овој систем има за цел да одговори на долгогодишните прашања за родовата нееднаквост во домашната работа.

Креаторите на апликацијата се надеваат дека ќе поттикнат повеќе дискусии за споделување на домашните обврски, за затворање на јазот меѓу половите и за правење на семејните задолженија посоработливо и понаградувачко искуство.

„Сакаме луѓето повеќе да зборуваат за тоа и да бидат повеќе вклучени во семејната дискусија“, објаснил Фредриксон.