Tрофејниот словенечки ски-скокач Петер Превц на 31-годишна возраст објави дека по завршувањето на оваа сезона ќе стави крај на богатата кариера.

Последно натпреварување за Превц би требало да биде она на Планица на 24. март.

„Го слушам срцето кое ми кажува дека е време да отворам нова страница во животот. Идејата за пензионирање е зрела веќе две години, уште од Олимписките игри во Пекинг“, порача Превц.

Во својата кариера Превц успеа да триумфира на Светскиот Куп во сезоната 2015/2016, а таа иста сезона ја освои и титулата победник на Новогодишната турнеа. Вкупно оствари 23 победи во Светскиот куп, а имаше и успех и на други големи натпреварувања.

На Зимските Олимписки игри во Пекинг пред две години беше член на словенечката комбинира екипа која освои злато, а има и сребро во машка конкуренција на истото натпреварување. Поединечно освои сребро на скокалницата на ЗОИ 2014 година во Сочи и бронза на големата скокалница исто така во Сочи.