Поранешниот англиски напаѓач Енди Керол има нов клуб и ќе игра во четвртата француска лига.

Екипата на Бордо која поради финансиските проблеми поминува низ тешки денови и беше исфрлена во четвртиот ранг на францускиот фудбал преку социјалните мрежи го потврди трансферот на Керол.

Во редовите на Бордо, Керол пристигнува како слободен играч откако претходно ја прекина соработката со Амиен, клуб кој се натпреварува во француската втора лига. За Амиен во минатата сезона, Керол постигна четири гола на 31 натпревар.

Низ кариерата Керол настапуваше уште за Ливерпул, Престон, Вест Хем, Рединг, ВБА и Њукасл каде што беше во најдобра форма кога Ливерпул за него во 2011 година плати 41 милион евра. Сепак, по тој трансфер започна неговиот пад во кариерата.