Весна Петрушевска лауреат на МТФ „Денови на комедија 2025“: „Пресреќна сум, ова е големо признание“
Актерката Весна Петрушевска е годинашниот лауреат на Меѓународниот театарски фестивал „Денови на комедија“ – Куманово, соопштија денеска од НУЦК „Трајко Прокопиев“ – Куманово.
Препорачано
-
1
-
2
-
3
– Со огромно задоволство соопштуваме дека лауреат на МТФ „Денови на комедија 2025“ е актерката Весна Петрушевска. Фестивалот и Советот на Фестивалот МТФ Денови на комедија Куманово во состав: Сања Русеска, Владанка Крстевски, Сефедин Шабани, Крсто Богојевски и Александар Крстевски доделува награда „Васил Иљоски“ на актерката Весна Петрушевска за особен придонес во театарската уметност, посебно во делот на комедијата – информираа од установата.
На денот на отворањето на Фестивалот „Денови на комедија 2025“, на 24 септември во големата сала на Центарот за култура Куманово официјално ќе ѝ биде врачена и наградата.
По овој повод актерката се огласи на својот Инстаграм профил:
– Јас, пресреќна. Ви благодарам за едногласната одлука ова е големо признание. Живи и здрави се гледаме во Куманово.
View this post on Instagram
Изминативе години добитиници на престижната награда на Фестивалот беа Шенка Колозова, Љубица Гојковиќ, Ѓорѓи Андов, Илија Струмениковски, Стојна Костовска, Благоја Чоревски, Коле Ангеловски, Сашко Коцев.
