фото: EPA-EFE/RUI VIEIRA

Венгер го „отпиша“ Арсенал од трката за титулата во Премиер лигата

Легендарниот менаџер на англискиот фудбалски клуб Арсенал, Арсен Венгер не верува многу во шансите на тимот од северен Лондон да ја освои титулата во Премиер лигата оваа сезона.

Тимот на Микел Артета заостанува седум бода зад лидерот Ливерпул, а тимот не станал шампион од 2004 година.

– Во сезоната се одиграа 25 натпревари, а Ливерпул досега загуби само еднаш. Тие би требало да загубат најмалку три од преостанатите 13 натпревари пред крајот на сезоната. Во моментов, тоа изгледа многу малку веројатно, освен ако не доживеат целосен колапс.

Имаме еден супер фаворит, а Арсенал мора да постигне совршена серија, да ги добие сите натпревари за да има шанса. Се молам за тоа, но треба да го подобрам квалитетот на моите молитви – рече Венгер за Беин Спортс.

Календарот на тимот на Арне Слот во Премиер лигата ги вклучува натпреварите против Астон Вила, Манчестер сити, Њукасл и Фулам, пред да му гостува на Арсенал во 36 коло на 10 мај, што се очекува да биде „финале“ на сезоната.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот