Посебното одделение на Вишиот суд во Белград денеска му го продолжи притворот за уште 30 дена на Вељко Беливук, наречен Веља Невоља, како и на Марко Миљковиќ и уште 18 осомничени дека се припадници на нивната криминална група.

Притворот им е продолжен поради опасноста од бегство, поради постоење на околности кои укажуваат дека ќе ги уништи, скрие, имени доказите или трагите на кривичното дело, поради постоење на посебни  околности кои укажуваат дека во краток временски период ќе го повтори кривичното дело за кое се товари и за кое е пропишана затворска казна над 10 години, а начинот на извршување и тежината на последиците на кривичното дело довеле до вознемирување на јавноста и поради тоа што може да се загрози непреченото и правичното водење на кривичната постапка.

Тие се уапсени на 4. февруари, а Обвинителството за организиран криминал оваа група ја товари за три тешки убиства. Станува збор за ликвидациите на навивачот на Црвена Звезда Здравко Радојевиќ, навивачот на Партизан Горан Величковиќ Гокси и наводниот припадник на групата „Пинк Пантер“ Милан Љепоја.

Покрај тоа, тие се осомичени за кривично дело здружување заради вршење на кривични дела, неовластено производство и ставање во промет на опојни дроги, додека двајца од групата се товарат за недозволено производство, држење, носење и промет со оружје и експлозивни материјали.

ВИДЕО | Андоновиќ: Србија во очекување на снимките на бруталност на кланот на Веља Невоља