Хрватската тенисерка Дона Векиќ го заврши својот настап во второто коло од последниот грен турнир од сезоната на Отвореното првенство на САД, откако во четврток беше поразена со 7-6, 6-2 од третата рангирана тенисерка во светот, Американката Коко Гоф.

Во првиот сет, откако двапати го одзема сервисот на хрватската тенисерка, Американката поведе со 4-2, но потоа Векиќ се врати, поведе со 5-4 и 6-5 и сервираше за водство од 1-0 во сетот, но Гоф го врати изгубениот сервис двата пати и на крајот го доби првиот сет преку тај брејк.

Во вториот сет, Гоф направи два брејка во третиот и седмиот гем за да го освои вториот сет за втората победа во нивната трета средба. Во мечот што траеше еден час и 40 минути, Векиќ не сервираше ниту еден ас, направи 10 двојни грешки и 36 неизнудени грешки, освои четири од шест брејк-топки, а Гоф шест од осум.

Следна противничка на Гоф ќе биде Магдалена Френх од Полска. Австралијката Дарија Касаткина со 6-2, 4-6 и 7-5 дојде до триумф над Камила Рахимова.

Во следното коло Касаткина ќе игра против јапонската тенисерка Наоми Осака. Деветтата носителка на турнирот, Аманда Анисимова од САД со 7-6 (2) и 6:2 триумфираше над Маја Џоинт од Австралија.

За пласман во осминафиналето Анисимова ќе се сретне против Жакелин Кристиан од Романија.