Најновиот текст на Ведрана Рудан, кој ги разгледува промените во меѓучовечките односи по дијагнозата на болеста, привлече голем број коментари.

Писателката и колумнистка, која се бори со рак, редовно објавува текстови на својот блог во нејзиниот препознатлив, директен и честопати ироничен стил.

Нејзините објави често предизвикуваат реакции кај читателите, а нејзиниот последен текст, во кој зборува за промените во меѓучовечките односи откако ѝ е дијагностицирана болеста, предизвика посебен бран коментари, при што луѓето ги споделуваат своите тажни искуства, но и ја поддржуваат познатата писателка.

Сепак, Рудан брзо им возврати на оние кои, според неа, погрешно ги протолкувале нејзините зборови.

„Писателот пишува за тема што го мачи, но тоа не значи дека пишува за себе. Текстот што го напишав е за луѓе кои се борат со рак, а кои биле напуштени од сите. Тоа не е приказна за мене. Навистина ме нервира како секој мој ред се перцепира како пренос во живо од мојот живот“, вели авторката во нејзината најнова колумна насловена како „Зошто не ме разбирате?“.

Во овој пост, Рудан им се обрати на читателите кои погрешно бараат сентименталност во нејзините текстови.

„Драги мои, за моја љубов, ве молам држете дистанца. Ги читам коментарите и полудувам. Не ми е жал, не плачам што го напуштам овој никаков свет. Јас сум жена чија страст е пишувањето, пишување текст во телефонот за време на паузата додека ја читам „Плачот на бувот“ од Патриша Хајсмит“, напиша Рудан.

„Постојано има бучава околу мене, мобилниот ми ѕвони, но не одговарам, дури не ме интересираат ни пораките на моите пријатели бидејќи не ми се допишува. Никогаш не сум била луда по толпи и луѓе. Дали повторно згрешив со текстот? Веројатно. Ако ја сакате вистината за мене, ќе ви ја кажам. Обожавам игри и шалење, зафркни го тоа отворање на душата и вистина. Уживајте, драги мои кои мислите дека знаете која сум. Ни јас не го знам тоа. Ама знам, некои од вас ќе напишат, здодевна си, престани да пишуваш на истата тема, кога ќе умреш? Се надевам после вас господа. Моите лекари се фантастични“, заклучи Рудан во колумната.

Ведрана Рудан се пријавила за евтаназија во Швајцарија: „Не сакам да умирам на рати“

Ведрана Рудан со нова емотивна колумна: „Сакам да умрам, жал ми е за луѓето што не ме пуштаат“