Црната серија резултати на eкипата на Вецлар доведе до предвремен прекин на соработката со тренерот Франк Карстенс и поранешниот македонски репрезентативец, Филип Миркуловски кој беше помошник во клубот.

Со само една победа во последните девет натпревари, Вецлар падна на табелата, а последниот пораз од Лајпциг само го потврди крајот на ерата Карстенс–Миркуловски.

„Им благодариме на Франк и Филип за посветеноста и трудот, и им посакуваме успех во понатамошниот пат“, се вели во краткото соопштение на клубот.

Иако се очекуваше Момир Илиќ да го преземе тимот на стартот на следната сезона, раководството на клубот го забрза неговото назначување. Српскиот тренер ќе го има своето деби со екипата веќе викендов, обидувајќи се да ја врати стабилноста во клубот.