Откако Уставниот суд вчера го укина „балансерот“ како алатка за правично вработување на припадниците на немнозинските заедници во јавната администрација, Делегацијата на Европската унија во земјава денеска излезе со свој став, нагласувајќи ја „важноста на континуираното спроведување на Охридскиот договор“.

„Ја нагласуваме важноста од континуирано спроведување на Охридскиот рамковен договор, кој повикува на целосно почитување на принципот на недискриминација и еднаков третман, особено во јавната администрација. Останува на властите на Македонија да се погрижат да се почитуваат принципите. Одлуката на Судот доаѓа откако владата ги објави своите намери да го реформира системот и да го замени „балансерот“. Очекуваме да ги видиме предлозите“, велат од Делегацијата на ЕУ во земјава.