Погребот на папата Франциск ќе се одржи во сабота на 26 април во 10 часот на плоштадот пред базиликата Свети Петар, јави Анса, повикувајќи се на соопштение на Канцеларијата за литургиски настани во Ватикан.

Претходно денеска беше соопштено дека телото на починатиот папа ќе биде однесено во базиликата Свети Петар во среда во 9 часот.

Телото на папата Франциск во моментов е изложено во капелата на резиденцијата Санта Марта каде што живеел во текот на 12-те години како поглавар на Римокатоличката црква, објави Ројтерс.

Папскиот погреб традиционално е сложен процес, но папата Франциск неодамна ги одобри плановите за поедноставување на целата процедура за неговиот погреб.