Српскиот кошаркар Василије Мициќ во овој момент е член на Феникс Санс откако беше разменет, но како што стојат работите, би можел да се врати во Европа.

Со Феникс, Мициќ има договор до крајот на 2026 година, меѓутоа тој би можел да биде отпуштен од клубот, што би го принудило да се врати во Европа.

Според последните информации, Мициќ веќе започнал преговори за враќање во европската кошарка. Како опции за Мициќ се споменуваат Ефес или Панатинаикос, а платата која што би можел да ја добие е околу пет милиони евра и со тоа би станал најплатениот кошаркар во Европа.

Евентуален потпис со Ефес за Мициќ би значел враќање во клубот со кој двапати ја освои Евролигата (2021,2022), а тој беше прогласен за најкорисен играч (МВП).