Првиот тим на Вардар поминува низ тешка финансиска криза, но и во таква ситуација црвено-црните се изборија за бараж за враќање во Првата фудбалска лига. Меѓутоа, додека сениорите се мачат да се вратат во друштвото на најдобрите одлично им оди на кадетите на Вардар.

Генерацијата на Вардар 2005 година или кадетите денес ја прегази Шкендија во финалето од Купот на Македонија со 4:1 и така стигна до трофејот.

Вардар доминирал во финалето и со оглед на шансите победата можела да биде и поубедлива.

Секако дека ваквата победа на кадетите е светла точка и показател дека Вардар има играчи со голем потенцијал во своите младински категории.