Ракометарите на Вардар го освоија третиот турнир „Крсте Андоновски“ кој се организираше во Спортската сала „Билјанини Извори“ во Охрид.

Играчите предводени од тренерот Владо Недановски во македонското финале славеа над РК Алкалоид со резултат 25:23.

За најдобар голман на турнирот беше избран членот на Вардар, Португалецот Мигуел Еспиња, а неговиот соиграч, Украинецот Димитри Горига го доби признанието за најдобар играч на турнирот.

Во натпреварот за седмото место екипата на Охрид беше подобра од црногорскиот Ловќен со 42:25.

Петтата позиција ја освои Партизан кој во српскиот дуел го совлада Динамо Панчево (25:19).

Откажан беше мечот за третото место помеѓу грчкиот Олимпијакос и словенечкиот Целје беше откажан. Поради премногу повредени играчи и уште неколку со настинка, како што пренесува „24rakomet.mk“, Олимпијакос ги извести организаторите дека не е во можност да го игра мечот со Целје.