Фудбалерите на Вардар предводени од стручниот штаб, пристигнаа на планината Златибор, Србија, каде што по првичните подготовки во Скопје, ќе го реализираат главниот дел на летните припреми, пред почетокот на новата сезона во Првата македонска фудбалска лига.

Тимот ќе биде сместен во хотелот „Палисад“, кој во целост ги нуди најдобрите услови за тренинг и релаксација, а покрај тоа тренерот Бобан Грнчаров заедно со своите асистенти, преку одигрување на неколку пријателски натпревари, ќе има можност да поработи на тактичкиот дел и воигрувањето на екипата.

Заедно со црвено – црната експедиција, на летните подготовки на Златибор отпатува и Владица Брдаровски, актуелниот репрезентативец на Македонија кој повторно го носи дресот на големиот Вардар, Ласо Фигураедо Педрињо, второто засилување на клубот, кој ни доаѓа од бугарскиот тим Минјор Перник, како и Лука Трајковски, фудбалер кој претходно настапуваше за екипата на Победа Прилеп.

ВИДЕО | Миленковски: Сума близу 30.000 евра е префрлена кај играчите и стручниот штаб на ФК Вардар

Покрај нив во ростерот на екипата се вратија и фудбалерите Мартин Блажевски, кој минатата полусезона настапуваше како позајмен играч во тимот на ФК Скопје, и Бењамин Демир кој по пауза од неколку месеци повторно е тука, спремен да се бори за „црвено црните“.

Клубот воедно ја информираме јавноста дека е во преговори со уште неколкумина фудбалери, кои во наредниот период би требало да го засилат тимот. Можно е дел од нив уште деновиве да му се приклучат на остатокот на екипата, на подготовките на Златибор.

Исто така акцијата за продажна на билети продолжува, со купување на членска карта да му се помогне на Вардар. Онлајн на сите продажни места на „МК Тикетс“.