Екипата на Вардар заминува на подготовки на Златибор каде што ќе одигра четири пријателски натпревари кои треба да бидат тест за можностите на овој тим во новата сезона во која се враќаат во Првата лига.

Првиот пријателски натпревар, Вардар ќе го игра на 17-ти јули против Металац Горњи Милановац, а три дена подоцна ќе се соччат со Бокељ Котор.

Пресметката со Смедерево е закажана за на 23-ти јули, додека последен е дуелот со Дубочица на 28-ми јули.

Ќе потсетиме, Вардар по две сезони поминати во второлигашка конкуренција, сезонава се врати во друштвото на најдобрите преку баражот во кој беше подобар од Скопје.