Вчера ракометна вест број еден во Македонија беше дека Анте Гаџа е нов ракометар на Вардар, но денеска доаѓаат нови информации и тоа од Загреб.

Хрватскиот шампион тврди дека трансферот е далеку од готов и дека „црвено-црните“ ќе мора да платат обесштетување доколку го сакаат Гаџа.

– Сите многу добро знаат колкава е оштетата и за работата да биде завршена Вардар ќе треба да ја плати таа сума. Засега тоа не е реализирано, Гаџа сè уште е наш играч – изјави Божидар Јовиќ, главниот менаџер на Загреб.

Дека трансферот се уште не е реализиран, потврди и хрватскиот ракометар кој изјави дека нема потпишано никаков договор со Вардар.

– Сѐ уште немам ништо потпишано, што значи дека и понатаму сум член на ППД Загреб. Само ако се договорат клубовите, тогаш ќе си заминам. Во комбинација беше и Спортинг Лисабон, но како што стојат работите во моментов, многу е подобра опцијата да заминам во Вардар – изјави Гаџа