Од редовите на Вардар утрово го потврдија и четвртото засилување, нов член во таборот на „црвено-црните“ е Мите Цикарски.

За 31-годишниот дефанзивец ова е враќање во Вардар каде што и ја започна кариерата.

Во Македонија покрај Вардар го носеше дресот и на: Работнички, Брера (Академија Пандев) и Македонија Ѓорче Петров.

„Знам што значи да се носи дресот на ФК Вардар. Знам колку тежи овој дрес. Среќен сум што се враќам на местото каде што започнав. Очекувањата за новата сезона се високи. Знаеме каде припаѓа клуб каков што е ФК Вардар. Се надевам на успешна полусезона и да го искачиме ФК Вардар таму каде што му е местото, во врвот на македонскиот фудбал“, изјави Цикарски.