Играчите на тренерот Бобан Грнчаров продолжуваат со добрата серија на резултати во Втората македонска фудбалса лига, овојпат со 0:3 триумфираа над Слога во Виница со 0:3.

Многу рано уште во втората минута од натпреварот Вардар дојде до позитива преку Јаневски.

Пред паузата предноста беше зголемена, судијата покажа на белата точка по прекршокот врз Христов, а пеналот го реализираше Мицевски за 0:2.

Конечниот епилог беше поставен во 70 минута кога Христов искористи грешка на домаќините и стрелаше во празната мрежа.

Во останатите денешни дуели: Беласица – Тетекс 4:0, Беса 1976 – Охрид 1:3, Караорман – Пелистер 2:1, Гостивар – Арсими 3:0, Лок. Скопје – Борец 3:2, Саса – Детонит Плачковица 1:1, Воска Спорт – Кожуф Гевгелија 2:2.

2МФЛ
Табела по 11 кола: Вардар 28 бодови, Готивар 27, Воска Спорт 24, Охрид 22, Детонит Плачковица 21, Пелистер 20, Караорман 17, Беласица 15, Беса 1976 14, Арсими 13, Кожуф Гевгелија 11, Лок. Скопје 10, Саса 9, Слога Виница 9, Тетекс 7, Борец 0.