По седум години пауза, фудбалскиот клуб Вардар повторно излегува на европската сцена. Првиот натпревар „црвено-црните“ ќе го одиграат на 10 јули, кога на Националната арена „Тодор Проески“ ќе ја пречекаат екипата на Ла Фиорита, во рамките на првото квалификациско коло од Конференциската лига.

Од клубот информираат дека билетите за овој натпревар веќе се пуштени во продажба. Навивачите ќе можат да изберат место на јужната или западната трибина. Влезницата за Југ чини 300 денари, додека за Запад цената е 100 денари.

Продажбата се одвива преку платформата „МКТикетс“, а билетите може да се набават на следниот линк. Натпреварот меѓу Вардар и Ла Фиорита ќе започне во 20:30 часот.