Денеска во натпреварот од 20 коло во Втората македонска фудбалска лига составот на Вардар убедливо славеше со 4:1 над Караорман.

Стрелци на головите за скопските „црвено-црни“ беа Николовски, Јаневски, Размоски и Митев, а на спротивната страна погодок запиша Мишковски.

Се одиграа уште два меча, Тетекс со 1:0 го совлада составот на Локомотива Пехчево, додека Беса 1976 со истиот резултат триумфираше над Слога Виница.

После четвртата победа во низа сега Вардар е новиот лидер во шампионатот со 49 бодови, два повеќе од второпласираната екипа на Воска Спорт.

Караорман после осмиот пораз сезонава е на деветтото место со 26 бодови.