Актуелниот европски шампион со оглед на тоа што не ги одигра планираните натпревари од Лигата на шампионие против Елверум и Пик Сегед поради коронавирусот, па овој период беше „принуден“ да бара контролни мечеви за да ја одржува натпреварувачката форма.

Вардар 1961 на првиот пријателски дуел триумфираше над Бутел со 29:22 (14:11), резултатот беше во втор план, а двата тренери го искористија мечот за да видат до каде се нивните играчи со формата.

А во вториот тест меч „црвено-црните“ беа подобри од Металург со 37:28 (17:13), како што информираат од клубот, Борко Ристовски забележа седум одбрани (еден седмерец) и Марко Кизиќ шест одбрани (еден седмерец).

Ракометарите предводени од тренерот Стевче Алушовски се подготвуваат за натпреварот од четвртото коло во ЛШ против Флензбург од Германија.

Овој меч е закажан за 15 октомври 2020 година со почеток од 20.45 часот во СЦ „Јане Сандански” во Скопје и истиот ќе биде организиран без присуство на публика.