Вардар 1961 никако да им се врати на победите во Лигата на шампионите, денеска запиша нов пораз во групната фаза, вторпат по ред од Пик Сегед овојпат во Унгарија со резултат 34:33 (17:19).

Слично како на првиот дуел во Скопје, така и на овој во Сегедин, македонската екипа беше таа кој беше подобра во првиот дел од натпреварот, водејќи по првите 30 минути со два голови предност.

Повторно тренерот Стевче Алушовски се реши да игра со истата постава во напад, откако Дисингер започна, набрзо во игра влезе Шеваљевиќ кој беше на теренот до крајот на првото полувреме. Домаќинот имаше и водство од 5:3, но Вардарци со голот на Шеваљевиќ во 10 минута израмнија на 5:5. Од 14 минута го превзедоа и водството кое го задржаа до крајот на првиот дел.

Францускиот голман Кантегрел ја имаше досега најдобрата партија во дресот на скопскиот клуб, до првиот дел стигна до пет успешни интервенции. Бодо само за момент израмни на 14:14, но Стоилов носи предност од 14:16. Лесно можеше Вардар 1961 и до четири гола позитива, но Георгиевски ја погоди стативата.

Лошо беше отворено второто полувреме, дозволувајќи му на Пик Сегед да влезе во серија од 4:0 и да поведе со 21:19 во 34 минута, а нашиот претставник дури во истекот на шестата минута, успеа да погоди преку Стоилов за намалување на резултатот. Кантегрел стигна и до седум одбрани, додека со голот на Калараш стоеше нов егал на семафорот, 21:21.

Но, започна лошиот период на гостите, стандардно паѓаа во играта, а ривалит веќе стекна високи 27:21 откако погоди Бомбач во 43 минута, а Миклер дојде и до шест одбрани. Противникот се најде во серија од 6:0, а Вардар цели осум минути беше без гол. Алушовски повика тај-маут, а Вардар се врати со два гола по ред на Стоилов. Надежите дека можеше да се дојде до позитивен резултат за момент беа активни во 49 минута кога Дибиров намали на 28:26. Во моменти кога се имаше и шанса да се намали на само еден гол, грешка направи Гаџа, а Сегед погодува за „три плус“ на пет минути до крајот на средбата. Немаше веќе време и сили за евентуален пресврт, Вардарци не освоија ниту бод во дуелите со унгарскиот тим и останаа на дното во својата група.

Кај стрелците во редовите на „црвено-црните“, Чупиќ имаше девет голови, додека голманот Кантегрел забележа 14 одбрани.