Српската рок група „Ван Гог“ денеска во Скопје ја имаше својата промоција на книгата „Море без обала“, во која за првпат се запознаваме со фотографските вештини на фронтменот на бендот Ѕвонимир Ѓуќиќ Ѓуле.

Станува збор за книгата која го носи насловот исто како и десеттиот студиски албум на оваа група објавен пред неколку месеци.

Промоцијата се одржа во „Плеј кафе“ во Сити Мол, а на неа присуствуваа членовите на бендот, како и извршниот директор на „Слободен печат“ Мирослав Јовановиќ и Владимир Мандичевски од „Баги комуникации“.

Оваа книга во заедничка соработка на „Ван Гог“ со „Слободен Печат“ и „Баги Комуникации“ ќе се продава ширум земјава, а сите средства од продажбата ќе бидат донирани во хуманитарни цели.

Како што можевме да слушнеме и од самиот Ѓуле, во книгата покрај тоа што за првпат ќе видиме негови лични фотографии, овде се сместени и голем дел од песните кои тој ги пишува веќе 34 години.

БОНУС ВИДЕО: