Поранешниот играч на Реал Мадрид, Рафаел Ван дер Варт го „пецна“ најголемиот ривал Барселона. Холанѓанецот Ван дер Варт сега работи како телевизиски коментатор, а неговите коментари често стануваат вирални. Еден од нив е оној за кој е најпосакуваниот клуб во светот.

– Реал е клуб за кој секој фудбалер сака да игра. Не знам зошто е тоа така, но многу повеќе фудбалери сакаат да играат за Реал отколку, да речеме, Барселона – изјави Ван дер Варт, а потоа продолжи:

– Секој фудбалер на светот го сака тоа, па дури и играчите на Барселона сакаат да играат за Реал Мадрид, 100 отсто сум сигурен во тоа – рече Ван дер Варт и предизвика бура од реакции.

Ван дер Варт пристигна во Реал од Хамбургер во летото 2008 година. За две години одигра 73 натпревари, постигна 12 гола и запиша 13 асистенции.

Сепак, тој не успеа да освои ниту еден трофеј со Мадрид, бидејќи во тоа време Барселона доминираше под водство на Пеп Гвардиола.