УЕФА го скрати списокот на тројца фудбалери кои останаа во трката за наградата за најдобар фудбалер во минатата сезона. Жири од 80 тренери на екипи кои учествуваа во групната фаза од Лигата на шампиони и Лига Европа минатата година, како и 55 новинари, ги избраа тројцата играчи кои ќе се натпреваруваат за индивидуалното признание.

На списокот се три имиња, дефанзивецот на европскиот шампион Вирвил Ван Дајк и редовните учесници во овој избор, Кристијано Роналдо и Лионел Меси.

Ван Дајк сигурно е еден од најзаслужните што Ливерпул триумфира во Лигата на шампионите, а на патот кон титулата, во полуфиналето ја елиминира Барселона.

Кристијано Роналдо ја освои титулата во Серија А со Јувентус, додека со Португалија триумфира во новоформираната Лига на нации.
Лионел Меси пак ја предводеше Барселона до нова титула во Ла Лига, а беше и најдобар стрелец во Лигата на шампионите.

Според фановите и поголем дел од медиумите, фаворит за освојување на наградата е Ван Дајк.

УЕФА го објави и изгледот на гласањето од четвртото до десеттото меесто. Голманот на Ливерпул, Алисон се најде на четвртото место, пред неговите клупски  колеги Садио Мане и Мохамед Салах. На седмото место се најде Еден Азар кој со Челси минатата сезона триумфира во Лигата на Европа, додека веднаш зад него се најдоа сега веќе поранешните фудбалер на Ајакс, Матијс де Лихт и Френки Де Јонг. На последното 10 место е фудбалерот на Манчестер сити, Рахим Стерлинг.