Војната во Украина би можела да трае уште една година, изјави британскиот министер за одбрана Бен Валас. Запрашан од новинарите дали ќе видиме уште 12 месеци вооружен конфликт по првата годишнина од војната, Валас рече: „Мислам дека ќе го видиме тоа“.

„Русија покажа целосно непочитување и негрижа, не само за животите на украинскиот народ, туку и за сопствените војници“, рече Валас, додавајќи дека повеќе од 188.000 руски војници се убиени или ранети поради „катастрофалната грешка“ на Путин.

„Кога некој така ќе ја премине границата и ќе мисли дека е во ред тоа да им го направи на сопствениот народ, да испрати своја војска во машина за мелење месо. Мислам дека нема да запрат“, рече Валас.