Утре (30 мај) во 20 часот во малиот салон на Домот на културата „Кочо Рацин” во Скопје, ќе биде отворена изложба на нашата уметница Билјана Билбилоска. На изложбата, насловена „Фрагменти“, ќе бидат претставени слики изработени во акрилна и маслена техника.

Тематски, изложбата ги преиспитува основните ликовни принципи и постулати. Таа го раскажува наративот на формализмот во уметноста на еден современ начин, го владее реконструирањето на заемните комуникации на боите и формите, како и нивното меѓусебно влијание. Прашањата кои ќе ги постави, исто така, гравитираат околу тоа колку формата ја одредува бојата и во која мера бојата ја менува формата, ги преиспитува границите на полноста на боите и нивната промена и минливост предизвикана од поставувањето на бојата во рамките на обликот и на линијата.

Изложбата ќе биде отворена десет дена.