Откако Антикорупциската комисија ги „исчисти“ директорите на Агенцијата за разузнавање, Габриела Јаковлева и нејзината заменичка, Ивана Стојановска, и остана Обвинителството да истражува дали има кривична одговорност во постапката за назначување на Стојановска, Обвинителството истражува уште една пријава за АР.
Во скопското обвинителство стигнала анонимна пријава за неправилности при распоредување на вработени на различни работни места.

-Во Основното јавно обвинителство Скопје е примена една анонимна пријава за неправилности во постапки за распоредување на вработени на различни работни места во Агенцијата за разузнавање. Надлежниот јавен обвинител издаде наредба до Секторот за економски криминал при МВР за да изврши повеќе проверки со цел да испита дали во наведените постапки постои незаконитост која упатува на елементи на кривично дело. По наредбата сè уште се постапува – велат од Обвинителството за „Слободен печат“.

Според нашите информации, пријавата е против двете директорки за незаконско унапредување на лица во АР.

ДКСК го затвори за јавност предметот за заменичката на АР – претседателката во одбрана на директорките

Антикорупциската комисија, слично како и за директорот на Агенцијата за национална безбедност, Бојан Христовски, само сега на затворена седница, ја запре постапката против заменик-директорката на Агенцијата за разузнавање, Ивана Стојановска, која беше отворена уште во јули минатата година, со образложение дека и Јавното обвинителство отворило предмет против Стојановска со исти наводи дека доставила лажна биографија и фалсификувани документи.

Освен оваа пријава, исто како и за Христовски, за кого имаше вкупно девет поднесени пријави до ДКСК, за Стојановска биле поднесени уште седум пријави, последната на 18 февруари. Овие пријави биле со слични наводи, дека претседателката со именувањето на заменик-директорот го прекршила Законот за Агенција за разузнавање и барање да се утврди какви податоци презентирала таа и дали претседателот ја знаел фактичката состојба пред да ја донесе одлуката или свесно го прекршила Законот.

ДКСК пред одлука за заменичката на АР – дали часовите по информатика можат да бидат разузнавачки стаж?

Во пријавите се барало и да се утврди дали лице од политичка партија влијаело при нејзиниот избор, со оглед на тоа дека во јавноста излегоа фотографии на кои Стојановска е сликана со високи функционери од владејачката партија.

ДКСК го затвори за јавност предметот за заменичката на АР – претседателката во одбрана на директорките

„Од Државната комисија се бара да утврди и дали имало влијание при избор од политичка партија или лице кое настапува во име на политичка партија во смисла на членот 39 од Законот за спречување на корупцијата и судирот на интереси“.

Но, за ова барање дали при изборот на Стојановска имало партиско влијание, Комисијата се прогласила за ненадлежна.