Пи Диди денес повторно беше обвинет за уште едно силување при што наводната жртва тврди дека пријателот на раперот го исмевал откако сексуално го искористил.

Според тужбата објавена од страна на „Страна шест“, пренесува „Кликс.ба“, силувањето се случило во октомври 2001 година за време на кастинг повик за музичко видео. Жртвата посочува дека по силувањето морала да побара лекарска помош.

Исто така, неидентификуваниот белец, кој бил на состанокот, вели дека користел метална направа за да ја држи отворена устата на жртвата додека Диди, наводно, орално го силувал.

„Жртвата почувствувала вкус на метал и верува дека некој вид на уред кој му ја држел устата, се обидувал да ја гризне, но не можел. Жртвата подоцна открила дека има скршен заб, за што била потребна поправка и делумна протеза“, се наведува во жалбата.

Младиот човек, кој работел како актер во доцните 90-ти и раните 2000-ти, наводно отишол на кастинг во хотел во Менхетен во близина на Централ Парк на аудиција за улогата на полицаец во музичко видео.

Во претставката наведува дека освен Комбс, во хотелскиот апартман видел и кастинг директор, телохранител и уште десетина лица.

Кога младиот човек потврдил дека му е удобно, наводно му било дозволено да остане, а потоа му понудиле алкохолен пијалок.

Меѓутоа, бидејќи не сакаал алкохол, наводно му дадале безалкохолен пијалок кој „има чуден вкус“ и верувал дека е преполн со супстанции како што се екстази, бидејќи тоа му создало вртоглавица и гадење.

Жртвата во пријавата тврди дека набргу потоа се онесвестил, а кога се разбудил бил „полусвесен и дезориентиран“, а панталоните му биле спуштени. Тој исто така тврди дека неименуван маж вербално го нападнал, нарекувајќи го геј и кучка на која и се допаѓа тоа што му се случува. По наводното застрашувачко искуство, поранешниот актер тврди дека „повраќал и плачел цела ноќ“.

За потсетување, Пи Диди беше уапсен на 17 септември во Њујорк, а моментално е во притвор каде ќе остане до почетокот на судењето кое е закажано за 5 мај 2025 година. Тој се соочува со повеќе од 120 обвиненија за сексуална злоупотреба, употреба на дрога и трговија со луѓе.