Вчера попладне во 17 часот во СВР Куманово, 83-годишен жител на градот пријавил дека бил измамен за сума од 100.000 денари, соопшти полицијата. Станува збор за уште еден случај на познатата, често користена измама со лажен полицаец и лажна сообраќајна несреќа, од која деновиве се пријавени повеќе случаи.

„Според пријавеното, лицето му се јавило на телефон и претставувајќи се како полициски службеник му кажало дека неговите син и снаа предизвикале сообраќајна незгода во која прегазиле дете мигрант и ќе треба да плати одредена сума на пари за да не одговараат кривично. Како што е пријавено, тој ги однел парите на договореното место, а подоцна се слушнал со неговиот син и сфатил дека е измамен односно дека нема никаква сообраќајна незгода“, велат од МВР.

Се преземаат мерки за расчистување на случајот