Уште една аудио снимка: Мицкоски вели дека Камчев му помогнал да плати долгови од претходниците
Во разговорот се слуша наводно гласот на Мицкоски кој вели дека тој е единствениот што се бори против новиот Закон за јавно обвинителство, а со кој процесот за „Империја“ би продолжил.
Уште една аудио снимка осамна на Јутјуб каналот, продолжение од снимениот разговор наводно меѓу лидерот на ВМРО-ДПМНЕ, Христијан Мицкоски, осудениот во „Рекет“, Зоран Милески-Кичеец и Слободанка Алексовска,
Препорачано
На снимката се слуша како Мицкоски зборува дека добил помош од Орце Камчев, со тоа што му ги плати долговите кои ги оставил неговиот претходник Никола Груевски и претходното раководство на партијата.
Во разговорот се слуша како Мицкоски вели дека тој е единствениот што се бори против новиот Закон за јавно обвинителство, а со кој процесот за „Империја“ би продолжил.
Мицкоски во еден момент вели: „Таму не е решена работата да знаете. Затоа што овој закон е закон што ќе помине како што ќе помине, како што мислат да помине, за јавно обвинителство тој предмет не е завршен. Напротив. Да знаете. Единствен кој што се бори во моментов сум јас“.
