32-годишен Унгарец е уапсен на „Табановце“ откако се обидел да влезе во земјава со кокаин, амфетамин, кетамин и таблети „екстази“, соопшти полицијата.

„СВР Куманово поднесе кривична пријава против O.J.(32) од Унгарија и A.Б.(37) од Србија поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурзори“. На 25.08.2025 на Граничен премин Табановце, на влез во државата, при гранична проверка и контрола во возило „тојота“ со унгарска национална ознака, кое го управувал О.Ј., а сопатници биле А.Б. и уште едно лице од Унгарија, во личниот багаж на пријавените биле пронајдени и одземени кокаин, амфетамин, кетамин и МДМА таблети“, велат од МВР.